Вардар на мегдан со Малме во Лигата на шампионите!

Во рамките на 2. квалификациско коло од Лигата на шампионите, Вардар ќе патува во Шведска на мегдан со екипата на Малме! Тоа е противникот кој што го доби нашиот тим на денешната ждрепка која што беше одржана во седиштето на УЕФА во Нион.

Вардарци противникот за Лигата на шампионите го дознаа на подготовките во Австрија, каде што се подготвуваат токму за настапите во Европа.

Според ждрепката на УЕФА, првиот натпревар ќе се игра на 11/12 јули на гостински терен, додека реваншот треба да го играме како домаќини на 18/19 јули. Во меѓувреме, на 14 јули ќе се одржи ждрепка за третото квалификациско коло, односно Вардар ќе го дознае ривалот за следната фаза од Лигата на шампионите.

понеделник, 19 јуни 2017