Славко Дацевски

Капитен на тимот на Вардар, на финалниот натпревар од националниот југословенски куп, против тимот на Вартекс, кој се одигра на 26 Мај 1961 година во Белград, беше легендарниот Славко Дацевски.

По победата со резултат од 2:1, над тимот од Вардарждин, токму Дацевски како носител на капитенската лента, ја имаше честа прв да го подигне победничкиот трофеј на Маршалот Тито. Дванаесет години претходно, Дацевски беше дел и од младинската екипа на Вардар, која стана државен првак на ФНР Југославија, во соодветната возрасна категорија.

Роден е на 9 Јули во далечната 1930 година и во дресот на првиот тим настапува прво од 1950-тата до 1955—тата, а потоа и од 1960-тата до 1965-тата. Неговиот севкупен биланс гласи 16 погодоци на 376 одиграни натпревари. Иако повеќе не е меѓу живите, Дацевски и натаму е запеметен како еден од најдобрите вардарови и македонски фудбалери, од педесеттите и шеесеттите години на претходоно столетие.

среда, 14 октомври 2015