Младински шампиони на Југославија

Две години по формирањето, Вардар ја покажа силата во младинска конкуренција. По воведните две години на сојузните натпревари во Сараево и Љубљана, во Скопје црвено-црните се крунисаа за апсолутни шампиони предводени од тогаш актуелниот фудбалер Јане Јаневски.

Вардаровите младинци стигнаа до пехарот пред преполниот Градски стадион и со поддршка од десетина илјади навивачи ги победија сплитски Хајдук (2-1), Раднички Белград (1-0) и Рудар Трбовле (2-1).

Гледачите биле импресионирани од легендарниот Тоде Георгиевски кој воодушевувал на голот, од креативноста на капитенот Миле Миланов, брзината и снаодливоста на Хари Миновски.

Во состав Георгиевски, Арсовски, Димовски, Дацевски, Христовски, Давидовски, Атанасовски, Стевчевски, Ивановски, Миланов и Миновски стигнаа до младинската титула, а голем дел од нив беа и дел од генерацијата која го освои првиот сениорски трофеј подоцна во Купот на Југославија.

 

вторник, 13 октомври 2015