Четврто полуфинале во Купот на СФРЈ

Една година по историската титула, која Судот на здружениот труд во Белград му ја поклони на белградски Партизан, Вардар имаше нова успешна одисеја во Купот и четврто полуфинале. Овојпат еден гол ги делеше вардарци од финалето во Белград.

Вардар во Купот тргна со триумф против Влазними од Ѓаковица со 2-0 во шеснаестинафиналето, по што следеше осминафинална пресметка со сараевски Железничар и епските 6-0 за пласман во четвртфиналето, откако во Сараево, Вардар загуби со 0-3. Следеше дуелот со вториот сараевски клуб, Сараево. Во Скопје со победата од 2-0 беше отворен патот кон полуфиналето, а победа со 1-0 беше остварена и во реваншот за пласман меѓу најдобрите четири.

Во полуфиналето, Вардар се соочи со белградска Црвена Звезда на 16 март и загуби со минимални 1-0, но белграѓани на жал на бројната скопска публика не успеа да ја надомести минималната негатива, играјќи 1-1 во реваншот. По тоа, Ц. Звезда во финалето загуби од Борац Бања Лука со 0-1.

вторник, 13 октомври 2015